გუნდის წევრები

გიორგი ამზაშვილმა 2025 წლის ივლისში დაიკავა საქართველოს საფონდო ბირჟის ჯგუფის გენერალური დირექტორის პოზიცია. გიორგი არის ფინანსური და კაპიტალის ბაზრების ექსპერტი, რომელსაც აქვს 25 წელზე მეტი მრავალმხრივი გამოცდილება კორპორატიული ფინანსების, სტრუქტურირებული ფინანსების, კაპიტალის ბაზრების განვითარების და სტრატეგიული კონსულტაციის სფეროში, როგორც განვითარებად, ისე განვითარებულ ეკონომიკებში.

ის ხელმძღვანელობდა კომპლექსურ პროექტებს M&A კონსულტაციებში, ინოვაციური ფინანსური ინსტრუმენტების შექმნაში და ეკონომიკური რეფორმების დიზაინში, რაც მიზნად ისახავდა ბაზრის ინფრასტრუქტურის გაუმჯობესებას და ფინანსებზე ხელმისაწვდომობის გაზრდას.

მის გამორჩეულ მიღწევებს შორის აღსანიშნავია მუშაობა Deloitte Consulting-თან USAID-ის ეკონომიკური მმართველობის პროგრამის ფარგლებში, სადაც ხელმძღვანელობდა საქართველოში კრიტიკული ფინანსური კანონმდებლობისა და პლატფორმების განვითარებას — მათ შორის საინვესტიციო ფონდების შესახებ კანონის, სეკურიტიზაციის შესახებ კანონის და უძრავი ქონების საინვესტიციო ტრასტების (REITs) ჩარჩოების. მისი ექსპერტიზა სეკურიტიზაციაში და კომპლექსურ გარიგებებში, რომლებიც მოიცავს აქტივებით უზრუნველყოფილ ფასიან ქაღალდებს, სინდიცირებულ სესხებს და საკუთარ კაპიტალში ინვესტიციებს, დადასტურებულია წარმატებით განხორციელებული ტრანზაქციებით.

მშობლიური ქართულის გარდა გიორგი ფლობს ინგლისურ და რუსულ ენებს და არის ტულეინის უნივერსიტეტის ა.ბ. ფრიმენის ბიზნეს სკოლის Executive MBA.

თამაზ ხიზანიშვილი სს „თბილისის საფონდო ბირჟის“ გენერალური დირექტორის მოადგილედ 2022 წლის ნოემბერში დაინიშნა. თამაზს აქვს საქართველოში ფასიანი ქაღალდების ბაზრის სფეროში მოღვაწეობის 25 წელზე მეტი ხნის გამოცდილება. მათ შორის, უმუშავია სს „კავკასიის ბირჟაზე“ საფონდო კომიტეტში ჯერ სპეციალისტად, შემდგომში - საფონდო კომიტეტის თავმჯდომარედ, სს „ბაზისბანკში“ - საინვესტიციო კონსულტანტად, სს „გაერთიანებულ ქართულ ბანკში“ - ფასიანი ქაღალდების განყოფილების უფროსად. 1994-2000 წ. იყო ფასიანი ქაღალდებისა და საფონდო ბირჟების ინსპექციასთან არსებული საკონსულტაციო-საექსპერტო საბჭოს და „ბარენც ჯგუფთან“ არსებული ტრეინინგის საკონსულტაციო საბჭოს წევრი. თამაზი იყო საინფორმაციო-ანალიტიკური ჟურნალის - „ფასიანი ქაღალდების ბაზარი“ - რედაქციის წევრი და არის 3 სახელმძღვანელოს თანაავტორი.

თამაზ ხიზანიშვილს დამთავრებული აქვს ივანე ჯავახიშვილის სახელობის თბილისის სახელმწიფო უნივერსიტეტის საინჟინრო-ეკონომიკური ფატულტეტი, აგრეთვე ასპირანტურა.

ხათუნა გვილავა „საქართველოს საფონდო ბირჟის“ (GSE) ჯგუფის ფინანსური დირექტორის პოზიციას 2025 წლიდან იკავებს. მისი კარიერა ორგანიზაციაში 2015 წელს დაიწყო, სადაც წლების განმავლობაში მთავარი ბუღალტრისა და ფინანსური მენეჯერის პოზიციებზე საქმიანობდა.

ხათუნა პასუხისმგებელია კომპანიის ფინანსური სტრატეგიისა და სააღრიცხვო პოლიტიკის განსაზღვრაზე, საბიუჯეტო დაგეგმარებასა და მის ეფექტიან შესრულებაზე. მისი მმართველობის სფერო მოიცავს ფინანსური რისკების მართვას, საინვესტიციო გადაწყვეტილებების ანალიზს, ხარჯების ოპტიმიზაციასა და ფინანსური დეპარტამენტის საქმიანობის კოორდინაციას. მენეჯერულ საქმიანობასთან ერთად, ხათუნასაქვს ტრენერობის მრავალწლიანი გამოცდილება სხვადასხვა ფინანსურ დისციპლინაში.აღნიშნული კვალიფიკაცია მას საშუალებას აძლევს, მნიშვნელოვანი წვლილი შეიტანოს როგორც კორპორაციული სწავლების, ისე გუნდის პროფესიული განვითარების პროცესებში.

ხათუნას დამთავრებული აქვს ივანე ჯავახიშვილის სახელობის თბილისის სახელმწიფო უნივერსიტეტი ეკონომიკასა და ბიზნესის მიმართულებით. ამასთან, არის ACCA-ს (Certified Chartered Accountant) კანდიდატი. წარმატებით აქვს გავლილი Applied Knowledge და Applied Skills დონეები და ამჟამად იმყოფება Strategic Professional ეტაპზე.

გიორგი ბაციკაძე არის ტექნოლოგიების დირექტორი საქართველოს ცენტრალურ ფასიანი ქაღალდების დეპოზიტარში, საქართველოს საფონდო ბირჟასა და თბილისის საფონდო ბირჟაში, სადაც იგი ხელმძღვანელობს საქართველოს კაპიტალის ბაზრის ტექნოლოგიური ინფრასტრუქტურის განვითარებასა და მოდერნიზაციას. იგი პასუხისმგებელია სავაჭრო და პოსტ-ტრედინგ სისტემების განვითარებაზე, ტექნოლოგიური სტაბილურობისა და ბაზრის ოპერაციული ეფექტიანობის უზრუნველყოფაზე.

მას აქვს ასევე აქვს გამოცდილება, კორპორატიული ფინანსების, შერწყმა-შესყიდვის (M&A), აუდიტისა და საკონსულტაციო პროექტების მიმართულებით. კარიერის განმავლობაში მუშაობდა საერთაშორისო და ადგილობრივ ორგანიზაციებში, მათ შორის KPMG-ში და Triple A Internetshops GmbH-ში, სადაც ხელმძღვანელობდა პროექტებსა და გუნდებს.

მისი პროფესიული გამოცდილება მოიცავს სხვადასხვა ინდუსტრიაში განხორციელებულ საკონსულტაციო პროექტებს, მათ შორის ფინანსურ სექტორში, ენერგეტიკაში, ტელეკომუნიკაციებსა და რეგულირების სფეროში.

გიორგი ბაციკაძე არის Oxford Brookes University-ის კურსდამთავრებული.

ნინო (ნუკი) სამხარაული 2018 წლიდან შემოუერთდა საქართველოს საფონდო ბირჟის ჯგუფს და ამჟამად იკავებს იურიდიული და რეგულაციების მიმართულების დირექტორის პოზიციას.

იგი ზედამხედველობს კომპანიის სამართლებრივ საკითხებს, კაპიტალის ბაზრის ინფრასტრუქტურის სამართლებრივ მხარდაჭერას, რეგულაციებთან შესაბამისობის უზრუნველყოფას და საერთაშორისო სტანდარტებთან ჰარმონიზაციის პროცესებში მონაწილეობას.

მას აქვს 15 წელზე მეტი პროფესიული გამოცდილება სხვადასხვა ანგარიშვალდებულ და ფინანსურ სექტორში მოქმედ ორგანიზაციებთან. პროფესიული საქმიანობის განმავლობაში მუშაობდა პროექტის იურისტად დიდ ბრიტანეთში, ასევე თანამშრომლობდა ადგილობრივ და საერთაშორისო ინვესტორებთან როგორც გარე იურიდიული კონსულტანტი საერთაშორისო ხელშეკრულებებისა და საინვესტიციო პროექტების სამართლებრივი ანალიზის მიმართულებით. იგი ასევე აქტიურად მონაწილეობს პროფესიული ცოდნის გაზიარებაში და მიწვეული ლექტორის რანგში ატარებს ლექციებსა და ტრენინგებს კორპორაციული მართვისა და კაპიტალის ბაზრის თემებზე.

ნუკი სამხარაული არის საქართველოს ადვოკატთა ასოციაციის წევრი სამოქალაქო სამართლის მიმართულებით და წარმოადგენს დაინტერესებულ მხარეებს სასამართლოში.

მან მიიღო ბაკალავრისა და მაგისტრის ხარისხი საერთაშორისო სამართალში ივანე ჯავახიშვილის სახელობის თბილისის სახელმწიფო უნივერსიტეტში, მაგისტრის ხარისხი კერძო სამართალში კავკასიის უნივერსიტეტის სამართლის სკოლაში, ხოლო სავაჭრო და საკორპორაციო სამართლის მაგისტრის ხარისხი - Queen Mary University of London-ში.

იგი სრულყოფილად ფლობს ქართულ, ინგლისურ და რუსულ ენებს, ხოლო ფრანგულ ენას საბაზისო დონეზე.