ჩვენ შესახებ

2015 წლის 7 მაისს დაფუძნებული სს „თბილისის საფონდო ბირჟა“ (თსბ) წარმოადგენს საქართველოში მოქმედ ერთ-ერთ მთავარ ორგანიზებულ ფასიანი ქაღალდების ბაზარს. კომპანიამ საფონდო ბირჟის ლიცენზია საქართველოს ეროვნული ბანკისგან (NBG) 2015 წლის 3 ივლისს მიიღო (განკარგულება N321). მოგვიანებით, 2022 წლის 19 ივლისს, ეროვნული ბანკის გადაწყვეტილებით, თსბ-ის „A“ და „B“ სალისტინგო კატეგორიებს აღიარებული ორგანიზებული ბაზრის სტატუსი მიენიჭა.

თსბ სრულად პასუხობს ფასიანი ქაღალდებით ვაჭრობის საერთაშორისო პრაქტიკას და უზრუნველყოფს ეფექტიან, გამჭვირვალე საინვესტიციო გარემოს როგორც ადგილობრივი, ისე უცხოელი ინვესტორებისთვის.

თსბ-ის უსაფრთხო, ვებზე დაფუძნებული სავაჭრო სისტემა (TS) ბირჟის წევრებს — საბროკერო კომპანიებსა და ბანკებს — აძლევს შესაძლებლობას, დაუბრკოლებლად ივაჭრონ ფასიანი ქაღალდებით ნებისმიერი ადგილიდან.