თსბ ციფრულ ტრანსფორმაციას აანონსებს: ლისტინგი 1-Click პრინციპით

საქართველოს კაპიტალის ბაზარი განვითარების სრულიად ახალ, ციფრულ ეტაპზე გადადის. თბილისის საფონდო ბირჟა (TSE) და საქართველოს ცენტრალური დეპოზიტარი (GCSD) იწყებენ მასშტაბურ ტექნოლოგიურ ტრანსფორმაციას, რომლის მთავარი მიზანი ემიტენტებისთვის ფასიანი ქაღალდების ლისტინგისა და განთავსების პროცესის მაქსიმალური გამარტივებაა.

ახალი ციფრული პლატფორმის წყალობით, ბიუროკრატიული და ხანგრძლივი პროცედურები იცვლება თანამედროვე, ინტუიციური ეკოსისტემით, სადაც კომპანიებს საშუალება ექნებათ გაიარონ ლისტინგის ყველა ეტაპი 1-Click პრინციპით.

რა იცვლება ემიტენტებისა და საბროკერო კომპანიებისთვის?

• სრულიად ციფრული ონბორდინგი: ქაღალდებთან დაკავშირებული ბიუროკრატია წარსულს ჩაბარდა. განაცხადის შეტანა, დოკუმენტაციის ატვირთვა და ვერიფიკაცია სრულად დისტანციურ რეჟიმში ხორციელდება.
• 1-Click ლისტინგი და ინტეგრაცია: ემიტენტებისთვის ლისტინგის განაცხადის მომზადება, ხოლო საბროკერო კომპანიებისთვის პროცესში ჩართვა ხდება რამდენიმე მარტივი კლიკით, ავტომატიზებული Workflow სტატუსების რეალურ დროში თვალყურის დევნებით.
• მაღალი უსაფრთხოება და გამჭვირვალობა: პლატფორმა შექმნილია საერთაშორისო ტექნოლოგიური და რეგულაციური სტანდარტების სრული დაცვით, რაც უზრუნველყოფს მონაცემთა მაქსიმალურ დაცულობასა და პროცესის სრულ გამჭვირვალობას.
• დაჩქარებული Time-to-Market: კაპიტალის მოზიდვისა და ბაზარზე გამოსვლის ვადა მნიშვნელოვნად მცირდება, რაც კომპანიებს აძლევს საშუალებას სწრაფად და მოქნილად რეაგირდნენ ბაზრის შესაძლებლობებზე.

ახალი ერა საქართველოს კაპიტალის ბაზარზე

„ჩვენი მიზანია შევქმნათ თანამედროვე, ტექნოლოგიურად განვითარებული და მოქნილი ინფრასტრუქტურა, რომელიც კაპიტალის მოზიდვას თანაბრად გაამარტივებს როგორც მსხვილი ინსტიტუციური მოთამაშეებისთვის, ასევე განვითარებაზე ორიენტირებული კომპანიებისთვის. ლისტინგის ციფრული პორტალი არის ფუნდამენტური ნაბიჯი საქართველოს საფონდო ბირჟის გლობალურ ეკოსისტემასთან ინტეგრაციისა და ადგილობრივი ბაზრის ლიკვიდურობის გაზრდისკენ,“

— აცხადებენ თბილისის საფონდო ბირჟის მენეჯმენტში.

ციფრული ლისტინგის პლატფორმის პრეზენტაცია და ეტაპობრივი გაშვება უახლოეს პერიოდში იგეგმება.